CİNAYƏTKARLAR MERİN OĞLUNU OĞURLAMAĞA ÇALIŞMIŞLAR
AZƏRTAC-ın müxbiri Tbilisidən xəbər verir ki, Gürcüstan paytaxtının meri Vano Zodelavanın oğlu Nikanı oğurlamağa cəhd göstərmiş bir qrup cinayətkar yaxalanmışdır. Gürcüstan Daxili İşlər Nazirliyinin məlumatında deyilir ki, aralarında bir qadın da olan cinayətkarlar Nikanı və üç dostunu aldadaraq bir mənzilə gətirmiş və silahla hədələyərək, ondan atasını həmin mənzilə çağırmağı tələb etmişlər. Lakin, Nikanın bəxtindən, atası ilə telefon əlaqəsi saxlamaq mümkün olmamışdır. Bundan sonra cinayətkarlar girovları mənzildə qoyaraq qaçıb aradan çıxmışlar.
Polis əməkdaşları pul qoparmaq üçün insan oğurluğu ilə məşğul olan bu qrupun üzvlərindən üçünü tutmuşlar. Cinayətkar dəstənin qalan üzvlərini yaxalamaq üçün əməliyyat aparılır.
Bölmənin digər xəbərləri
