Co Bayden ABŞ və Meksika sərhədində ailələrin yenidən birləşməsi barədə fərmanlar imzalayıb
Vaşinqton, 3 fevral, AZƏRTAC
ABŞ Prezidenti Co Bayden federal hökumətin mühacirət siyasətində islahat barədə bir neçə fərman imzalayıb. Ağ evin məlumatına görə, bu islahatlar ailələrin qorunması, qanuni miqrasiyanın nizama salınması və sərhədləri qeyri-qanuni keçmələrin öyrənilməsinə istiqamətlənib.
AZƏRTAC xəbər verir ki, Bayden artıq yanvarın 20-də, Prezident vəzifəsinə başlayan kimi, mühacirətlə bağlı bir neçə fərman imzalayıb. Lakin çərşənbə axşamı imzalanan sərəncam sabiq Prezident Donald Trampın “tamamilə qəbuledilməz” siyasətinə uyğun olaraq, ədalətsiz şəkildə ayrı salınmış miqrant ailələrinin yenidən birləşdirilməsinə dair federal hökumətin daha çox razılaşdırılmış və mütəşəkkil səylərini ifadə edir.
Bayden fərmanları imzalamazdan əvvəl bildirib ki, onun vəzifəyə başladığı andan imzaladığı bütün bu fərmanlar yeni qanunlar deyil, onlar sabiq prezidentin “pis siyasətini aradan qaldırır”. Ağ evin bəyanatında qeyd olunur ki, Prezidentin fərmanına əsasən, “ailələrin yenidən birləşdirilməsi” üzrə yaradılacaq məqsədli qruplar “Tramp administrasiyasının ayrı saldığı valideyn və uşaqların tapılması” istiqamətində fəaliyyət göstərəcək. Ağ ev bəyan edib ki, Baydenin məqsədi uzun illər davam edən “xaos, qəddarlıq və qarmaqarışıqlıq”dan sonra qaçqınlar üçün “sığınacaq təqdim edilməsi üzrə insanpərvər sistem” yaratmaqdır”.
AZƏRTAC-ın Vaşinqton bürosu
Bölmənin digər xəbərləri
