Cüdoçularımız Yunanıstanda Avropa kuboku turnirində mübarizəyə başlayırlar
Bakı, 26 mart, AZƏRTAC
Cüdoçularımız bu gün Yunanıstanın paytaxtı Afina şəhərində gənclər arasında Avropa kuboku turnirində mübarizəyə başlayırlar.
AZƏRTAC xəbər verir ki, ölkəmizi turnirdə gənc oğlanlardan ibarət yığma komandanın baş məşqçisi Elxan Məmmədov və gənc qızlardan ibarət yığma komandanın məşqçisi Vüqar Hüseynovun rəhbərlik etdiyi heyət təmsil edəcək. Belə ki, qızlar arasında Könül Əliyeva, Gülşən Bəşirova (48 kq), Rita Əliyeva (58 kq), Səbinə Əliyeva (57 kq), Nərmin Əmirli (78 kq) mübarizə aparacaqlar.
Gənc oğlanlardan ibarət yığma komandanın heyətində isə Nicat Məmmədli, Nurlan Kərimli, Samir Piriyev (60 kq), Qasım Vəlizadə, Elvin Bağırov, Aydın Rzayev (66 kq), Məmmədrza Hacızadə (73 kq), İsmayıl Zamanov, Maqerram İmamverdiyev (81 kq), Nihad Şıxəlizadə, Vüqar Talıbov (90 kq), Ruslan Nəsirli, Sabir İsayev (100 kq), Kənan Nəsibov, Hüseyn Məmmədov (+100 kq) yer alıblar.
İki gün davam edəcək yarışa dünyanın 27 ölkəsindən 300 idmançı qatılacaq.
Bölmənin digər xəbərləri
