Danimarka arıqlamaq üçün preparatdan gəlir əldə edir
Bakı, 8 sentyabr, AZƏRTAC
COVID-19 əleyhinə vaksinlərin işlənib hazırlanması və yayılması Avropa kimya sektoru üçün şok oldu, lakin əsl inqilab əsas yan təsiri çəkinin 15 faizə qədər itirilməsi olan, 2-ci tip şəkərli diabet xəstələrinə kömək üçün nəzərdə tutulan dərmanlarla bağlı baş verib.
AZƏRTAC xəbər verir ki, Danimarkanın “Novo Nordisk” şirkəti qanda şəkərin səviyyəsinə nəzarət etməyə kömək edən, insulin sekresiyasını stimullaşdıran, eləcə də qidanın mədəyə çatdığı barədə beyini xəbərdar edən preparat hazırlayıb. Bu ikinci effekt toxluq hissini təmin edir, ona görə də preparat piylənməyə qarşı təyin edilir. Şəkər azaldan preparatlar ailəsi “Wegovy”, “Ozempic” və “Mounjaro” brendi ilə satılır.
Təkcə 2023-cü ilin birinci yarısında Danimarkanın “Novo Nordisk” şirkəti arzu olunan “Wegovy”nin satışları sayəsində 14,5 milyard avro qazanıb. Müqayisə üçün 2021-ci ildə “Pfizer”, “Moderna”, “J&J”, “AstraZeneca” və “BionTech”ın COVID-19 əleyhinə vaksinlərin satışından əldə olunan ümumi gəlir 71 milyard avro təşkil edib.
Danimarkalı şirkət OMXC25 milli fond indeksini rekord səviyyədə yüksəldib, onun 400 milyardlıq bazar qiyməti indi Danimarkanın ÜDM-ni üstələyir. Bu, ancaq başlanğıcdır.
Kayzer ailəsi Fondunun apardığı sorğunun nəticələrinə görə, Amerika əhalisinin demək olar ki, yarısı çəkinin azaldılması üçün təhlükəsiz və effektiv preparat əldə etmək istəyir.
“Jefferies Group” Amerika Çoxmillətli Müstəqil İnvestisiya Bankının iqtisadçıları arıqlamaq üçün inyeksiyalar biznesini 150 milyard dollar dəyərində qiymətləndirirlər. Bu, COVID-19 əleyhinə vaksinlərin qiymətini iki dəfə üstələyən əczaçılıq sənayesinin bir növ "blokbasteri"dir.
“Bloomberg”in sorğu keçirdiyi analitiklər bildirirlər ki, cari ildə satışların 30 milyard avroya çatacağı gözlənilir.
Şirkətin proqnozlarına görə, 2026-cı ilə qədər “Novo Nordisk”in ümumi satış həcmi ikirəqəmli templərlə artmaqda davam edəcək. Eyforiya elədir ki, heç kəs bu preparatların qalan yan təsirləri haqqında sual vermir. Onlar həkim nəzarəti altında deyil, evdə qarın nahiyəsi və ya ayağa həftəlik inyeksiya ilə istifadə edildiyi nöqtəyə qədər həndəsi silsilə ilə arta bilər. Lakin bu gün “Ozempic” sayəsində arıqlayan və müalicəni dayandıran insanlarla nə baş verdiyi barədə təsdiqlənmiş məlumat mövcud deyil. Aydındır ki, onlar bütün həyatı boyu bu preparatdan asılı qalmadıqları təqdirdə, yenidən çəki alırlar.
Satış bumu Danimarkaya dollar axınına səbəb olub və Danimarka kronu valyuta bazarında əhəmiyyətli dərəcədə möhkəmlənib.
Bölmənin digər xəbərləri
