Davam edən müstəmləkəçilik strukturu Boneyrdə yerli əhalinin sıxışdırılmasına səbəb olur
Bakı, 19 may, AZƏRTAC
2010-cu ildən əvvəl yerli Boneyr əhalisi ümumi əhalinin 70 faizindən çoxunu təşkil edirdi. Hazırda bu göstərici 30 faizdən aşağı düşüb və proqnozlara görə, 2035-ci ilə qədər 15 faizdən də aşağı enə bilər.
AZƏRTAC xəbər verir ki, bu fikirləri Boneyr İnsan Hüquqları Təşkilatının gənc nümayəndəsi Finies Kristan Tyee Eugene Ümumdünya Şəhərsalma Forumunun 13-cü Sessiyası (WUF13) çərçivəsində Bakı Təşəbbüs Qrupu (BTQ) tərəfindən “Müstəmləkə idarəçiliyinin yaratdığı ədalətsizliklər və mənzil böhranı” mövzusuna həsr olunmuş tədbirdə çıxışı zamanı səsləndirib.
Gənc fəal əlavə edib ki, mənzil qiymətlərinin artması, xarici iqtisadi nəzarət və davam edən müstəmləkəçilik strukturları yerli əhalinin sıxışdırılmasına səbəb olur. Nəticədə adada sürətli demoqrafik dəyişikliklər müşahidə olunur.
Finies Kristan Tyee Eugene bildirib ki, yerli insanların sosial, siyasi və iqtisadi baxımdan öz torpaqlarından kənarlaşdırıldığı gələcək qəbuledilməzdir.
Fotoqraf - İlkin Cavanşirov
Bölmənin digər xəbərləri
