Daxili İşlər Nazirliyi Qəbələdə baş verən yol qəzası ilə bağlı məlumat yayıb - YENİLƏNİB
Qəbələ, 10 oktyabr, AZƏRTAC
Oktyabrın 9-u saat 20 radələrində Qəbələ rayonunun Mirzəbəyli kəndi ərazisində “VAZ-2107” markalı avtomobillə “Ford” markalı mikroavtobus toqquşub.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, hadisə nəticəsində “VAZ-2107”-dəki sərnişin, 1996-cı il təvəllüdlü Ağdaş rayon sakini Elşad Məmmədov aldığı xəsarətlərdən hadisə yerində ölüb.
Faktla bağlı araşdırma aparılır.
23:13
Axşam saatlarında rayonun Mirzəbəyli kəndində ağır yol-nəqliyyat qəzası qeydə alınıb.
AZƏRTAC xəbər verir ki, Qaraməryəm-İsmayıllı Şəki avtomobil yolunun Qəbələnin Mirzəbəyli kəndindən keçən hissəsində “Ford” markalı avtomobillə “VAZ-2107” markalı avtomobil toqquşub.
İkin məlumata görə, Qəbələ rayon sakini Hacıalı Zeynalovun idarə etdiyi “Ford” markalı avtomobilin Ağdaş rayon sakininin idarə etdiyi “VAZ-2107” markalı avtomobillə toqquşması nəticəsində “Jiquli”nin sürücüsü ağır bədən xəsarətləri alıb.
Hadisə yerinə təcili tibbi yardım cəlb edilib. Həkimlərin səyinə baxmayaraq “Jiquli”nin sürücüsü xəstəxanaya aparılarkən keçinib.
Faktla bağlı araşdırma aparılır.
Bölmənin digər xəbərləri
