DƏMİRYOLÇULARIMIZ RİQADA KEÇİRİLƏCƏK YIĞINCAQDA İŞTİRAK EDƏCƏKLƏR

03.02.2004 [17:08]
Çap et
A⁺ A^-

Fevralın 10-12-də Riqada MDB ölkələrinin və Baltikyanı ölkələrin Dəmir Yolu Nəqliyyatı Şurasının 37-ci yığıncağı keçiriləcəkdir. Dövlət Dəmir Yolunun nümayəndə heyəti yığıncaqda iştirak edəcəkdir.

Dövlət Dəmir Yolundan AZƏRTAC-ın müxbirinə demişlər ki, tədbirdə Şuranın 36-cı yığıncağının qərarlarının yerinə yetirilməsi və 2003-cü ildə dəmir yolu şəbəkələrində istismar işlərinin yekunları, konteyner parklarının siyahıya alınmasının yekunları və 2004-cü ildə yük vaqonlarının siyahıya alınmasına hazırlıq işləri, beynəlxalq yollarda yük daşınması üçün dəmir yollarının tarif siyasəti, 2004-cü ildə dəmir yolu nəqliyyatının beynəlxalq hərəkət sahəsində nəqliyyat xidməti və istismar işlərinin təkmilləşdirilməsi üzrə planlar və bir çox digər məsələlər müzakirə olunacaqdır.

Yığıncaq çərçivəsində ikitərəfli və çoxtərəfli görüşlərin də keçirilməsi nəzərdə tutulmuşdur.