Demokratlar Trampın hakimiyyətə qayıdışından sonra ən böyük siyasi qələbələrini qazanıblar
Bakı, 5 noyabr, AZƏRTAC
ABŞ-ın Demokratik partiyası Donald Trampın hakimiyyətə qayıdışından sonra bir neçə böyük siyasi qələbə qazanıblar.
AZƏRTAC xəbər verir ki, bu barədə “Bloomberg” agentliyində dərc olunan məqalədə deyilir. Məqalədə qeyd olunur ki, Demokratlar Partiyasının Nyu-Cersi ştatındakı namizədi Mikki Şerrill və Virciniya ştatındakı namizədi Ebigeyl Spenberger qubernator seçkilərində respublikaçı rəqiblərini məğlub ediblər.
34 yaşlı müsəlman sosialist Zoran Mamdani də Nyu-York meri seçkilərində qalib gəldiyini bildirib. Bundan əlavə, Kaliforniyada seçicilər demokratlara Nümayəndələr Palatasında bir neçə əlavə yer qazanmaq üçün ştatın seçki dairəsinin sərhədlərinin dəyişdirilməsi üzrə təşəbbüsü dəstəkləyiblər.
Qeyd edək ki, oktyabrın 31-də “CNN” telekanalı ABŞ-ın sabiq Prezidenti Barak Obamanın və Demokratlar Partiyasının digər üzvlərinin Donald Trampla mübarizə planı hazırladığı barədə məlumat yayıb.
Bölmənin digər xəbərləri
