Doktorant: Mənzilə, suya və elektrik enerjisinə çıxış imtiyaz deyil, fundamental hüquqlardır

19.05.2026 [12:34]
Çap et
A⁺ A^-

Bakı, 19 may, AZƏRTAC

Mənim öz vətənim olan Qabondan, eləcə də bir çox digər Afrika dövlətlərindən danışsaq, burada ziddiyyətli bir şəhər reallığı müşahidə olunur. Müstəmləkəçilik dövründən miras qalmış, çox vaxt daha yaxşı strukturlaşdırılmış məhəllələr vacib infrastrukturdan məhrum olan digər kənar zonalarla yanaşı mövcuddur.

AZƏRTAC xəbər verir ki, bu fikirləri “Jean Monnet de Saint-Etienne“ universitetinin doktorantı Moukala Nguimbi Frank Qordan Ümumdünya Şəhərsalma Forumunun 13-cü Sessiyası (WUF13) çərçivəsində Bakı Təşəbbüs Qrupu (BTQ) tərəfindən “Müstəmləkə idarəçiliyinin yaratdığı ədalətsizliklər və mənzil böhranı” mövzusuna həsr olunmuş tədbirdə çıxışı zamanı səsləndirib.

O, kənar ərazilərdə böyüyən biri kimi uşaqlığından bəri şahidi olduğu real bərabərsizliklərdən bəhs edərək deyib: “Tarixi baxımdan imtiyazlı və daha yaxşı təmin olunmuş zonalardan fərqli olaraq, burada suya və ya elektrik enerjisinə çıxış olduqca çətindir”.

Doktorant, həmçinin qeyd edib ki, hər bir dövlətin öz reallıqları, resursları və çətinlikləri var. Məhz bu səbəbdən də hamı üçün vahid bir həll yolu yoxdur. Lakin ortaq bir inam mövcuddur ki, mənzilə, suya və elektrik enerjisinə çıxış imtiyaz deyil, fundamental hüquqlardır.

_{Fotoqraf - İlkin Cavanşirov}

_{Operator - Namiq Abdullayev}