COP29
Dominikan Respublikasının səfiri: COP29-da hər şey yüksək səviyyədə təşkil olunub
Bakı,11 noyabr, AZƏRTAC
COP29-dan çox gözləntim var.
Əvvəla, bu möhtəşəm tədbirdə iştirak edən insanlar burada olmaqdan çox məmnundurlar. Siz gözəl ev sahibisiniz. İndiyə qədər hər şey yüksək səviyyədə təşkil olunub. Şəhər gözəldir. Burada, bu gözəl şəhərdə olmaqdan çox xoşbəxtəm.
Bu barədə AZƏRTAC-a müsahibəsində Dominikan Respublikasının ölkəmizdəki səfiri Elvis Antonio Alam Lora söyləyib.
Ölkəsinin iqlim dəyişikliyinin mənfi təsirləri ilə mübarizəsindən danışan səfir Karib dənizinin ortasında bir ada olduqlarını bildirib.
“Biz Amerika qitəsinin mərkəzindəyik. Təbii ki, buna görə də iqlim dəyişikliyi bizə çox təsir edəcək. Biz çoxlu layihələrə nail olmuşuq: yeni enerji layihələri, günəş enerjisi, bəndlər. Kiçik bir ölkə olsaq da, öz üzərimizə düşəni edirik”, - deyə səfir qeyd edib.
Bölmənin digər xəbərləri
