DÖVLƏT GÖMRÜK KOMİTƏSİ YANVAR AYI ÜZRƏ PROQNOZ TAPŞIRIĞA 126,9 FAİZ ƏMƏL ETMİŞDİR
Dövlət Gömrük Komitəsi mətbuat xidmətindən AZƏRTAC-a bildirmişlər ki, 2004-cü ilin ilk günlərindən əzmkarlıqla işə girişən Dövlət Gömrük Komitəsi, onun yerli strukturları yanvar ayının proqnozuna layiqincə əməl etmişlər.
İlkin məlumata görə, bir ay ərzində dövlət büdcəsinə 69,4 milyard manat əvəzinə 88,1 milyard manatlıq gömrük vergi və rüsumları toplanaraq köçürülmüş, tapşırığa 126,9 faiz əməl edilmişdir. Bu isə ötən ilin eyni dövrü ilə müqayisədə 29,4 milyard manat, yaxud 50,1 faiz artıq deməkdir.
Bölmənin digər xəbərləri
