“DÖVLƏT VƏ DÜNYƏVİLİK” MÖVZUSUNDA KONFRANS KEÇİRİLMİŞDİR
Konfransda Fransanın Sorbonna Universitetinin tanınmış tədqiqatçısı, Dini Araşdırmalar Bürosunun başçısı Jan Boberon “Qloballaşma baxımından fransız dünyəviliyi” məruzəsi ilə çıxış etmişdir. Fransada dünyəviliyin 100-cü ildönümünə hazırlıq getdiyini vurğulayan natiq onun tarixindən söhbət açmışdır.
Dini Qurumlarla İş üzrə Dövlət Komitəsinin sədri, professor Rafiq Əliyev “Azərbaycanda din və dövlət” mövzusunda çıxışında xatırlatmışdır ki, ölkəmizdə dünyəvilik hələ 1918-ci ildə qəbul olunmuş, müasir dövrdə isə din azadlığı haqqında Qanunu həyata keçirmək üçün xüsusi qurum – onun başçılıq etdiyi Dövlət Komitəsi yaradılmışdır.
Çıxışlarda bu sahədə ölkələrimizin təcrübəsinin öyrənilməsinin vacibliyi vurğulanmışdır.
