Dünya Bankı Qrupu: Mərakeş əlaqə və inkişaf üçün regional mərkəzdir
Rabat, 24 oktyabr, Çüayib Brhadda, AZƏRTAC
Dünya Bankı Qrupu Mərakeşi əlaqə və inkişaf üçün regional mərkəz kimi görür.
AZƏRTAC xəbər verir ki, bu barədə Dünya Bankı və Beynəlxalq Valyuta Fondunun ötən il Mərakeşdə keçirilən illik konfranslarının birinci ildönümünə həsr olunmuş məqalədə bəhs olunub. Yazıda bildirilir: “Bizim Mərakeş ilə tərəfdaşlığımız ölkənin inkişaf məqsədlərinin gücləndirilməsi və onu regional əlaqə və inkişaf mərkəzinə çevirərək daha pozitiv hal alıb”.
Dünya Bankı Qrupu Mərakeş ilə əməkdaşlığın davamlı şəkildə möhkəmləndirilməsini alqışlayıb və Kral VI Məhəmmədin rəhbərliyi ilə ölkənin regional əlaqə və inkişaf mərkəzi olan statusunu təsdiqləyib.
Yazıda vurğulanıb ki, bu tərəfdaşlıq Mərakeşin xüsusən iqlim dəyişikliyi ilə bağlı təşəbbüslərini dəstəkləməyə, o cümlədən su sektoru və karbon emissiyalarının azaldılması sahələrinə töhfə verib.
Dünya Bankı Qrupu Mərakeşin 2035-ci ilə qədər özəl investisiyaların payını artırmaq məqsədini dəstəklədiyini də qeyd edib.
Bölmənin digər xəbərləri
