DÜNYA ÇEMPİONLUĞU UĞRUNDA MÜBARİZƏDƏ V.KRAMNİK İLK QƏLƏBƏSİNİ QAZANMIŞDIR
AZƏRTAC xəbər verir ki, Bonnda Vişvanatan Anand (Hindistan) və Vladimir Kramnik (Rusiya) arasında keçirilən dünya çempionatının 10-cu turunda rusiyalı şahmatçı matçda ilk qələbəsini qazanmışdır.
Bu tur çərçivəsində görüşü ağ fiqurlarla başlayan V.Kramnik 29-cu gedişdə Hindistan qrossmeysterini təslim olmağa məcbur etmişdir. Beləlikə, matçda V.Anand 6:4 hesabı ilə yenə də irəlidə gedir. Hindistan şahmatçısını dünya çempionu titulundan cəmi yarım xal ayırır.
Xatırladaq ki, çempionluq uğrunda mübarizədə şahmatçılar 12 partiyadan ibarət matç keçirəcəklər. Dünya çempionatının mükafat fondu 1,5 milyon avro təşkil edir.
Bölmənin digər xəbərləri
