DÜNYA KUBOKU UĞRUNDA YARIŞLARA VƏSİQƏ ALMIŞLAR
İyulun 3-dən 6-na kimi Maştağa Olimpiya İdman Kompleksində keçirilən sambo üzrə Azərbaycan kuboku yaışlarında Mingəçevir idman məktəbinin yetirmələrindən üçü birinci, dördü ikinci yeri tutmuşlar. Onlar sentyabrın 18-də Qazaxıstanın Aktübinsk şəhərində dünya kuboku uğrunda keçiriləcək yarışlarda iştirak edəcəklər. Avqustun 15-də Şəki Olimpiya İdman Kompleksində bu mötəbər yarışa vəsiqə qazanan samboçuların təlim məşqləri başlanacaqdır. AZƏRTAC-ın bölgə müxbiri xəbər verir ki, Mingəçevir şəhər icra hakimiyyətində keçirilmiş görüşdə yarış qaliblərinə və onların məşqçilərinə hədiyyələr təqdim edilmişdir.
Bölmənin digər xəbərləri
