Dünya Turizm Təşkilatı bloqer müsabiqəsi keçirir
Bakı, 30 iyul (AZƏRTAC). Dünya Turizm Təşkilatı 27 sentyabr - Dünya Turizm Günü münasibətilə bloqer müsabiqəsi keçirir.
AZƏRTAC təşkilatın rəsmi saytına istinadla xəbər verir ki, ilk dəfə keçirilən bu müsabiqə bloqerləri turizm üzrə öz baxışlarını bölüşməyə çağırır. Müsabiqədə materialında müəllifin turizm təcrübəsi, eləcə də onun turizmdən yararlanan icmalarda olub-olmadığına, özünün mənsub olduğu icmanın turizmdən bəhrələnməsinə dair məsələlərin yer alması vacibdir.
Müsabiqə haqqında ətraflı məlumatı http://wtd.unwto.org/content/wtd-blogger-competition-wtd2014 linkinə daxil olmaqla əldə etmək mümkündür.
Müsabiqənin qalibi Meksikanı gəzmək, eləcə də yerli icma layihələrində iştirak imkanı əldə edəcək.
Bölmənin digər xəbərləri
