Dünya Turizm Təşkilatının növbəti mükafatı
Bakı, 6 avqust (AZƏRTAC). Dünya Turizm Təşkilatı yüksək nailiyyət və innovasiyaya görə özünün 11-ci mükafatını təqdim edəcək.
AZƏRTAC təşkilatın saytına istinadla xəbər verir ki, mükafatla maraqlananlar namizədliklərini oktyabrın 31-dək irəli sürə bilərlər.
Mükafatlar ayrı-ayrı şəxslər və turizm sahəsində təşəbbüslər kateqoriyaları üzrə veriləcək.
Ayrı-ayrı şəxslərə mükafat onların turizmə dair bilikləri mənimsəmələri və yaratmalarına görə veriləcək.
Turizm sahəsində təşəbbüslər kateqoriyasında isə dövlət siyasəti və idarəçilikdə, müəssisələrdə, qeyri-hökumət təşkilatlarında, tədqiqat və texnologiyada innovasiyalar nəzərə alınacaq.
Sözügedən mükafat 2015-ci il yanvarın 28-də İspaniyanın paytaxtı Madriddə keçiriləcək FİTUR - beynəlxalq turizm ticarət yarmarkasında təqdim olunacaq.
Bölmənin digər xəbərləri
