DÜNYA VƏRƏMLƏ MÜBARİZƏ GÜNÜ ÇOXSAYLI TƏDBİRLƏRLƏ QEYD OLUNACAQ

06.03.2006 [21:09]
Çap et
A⁺ A^-

AZƏRTAC xəbər verir ki, martın 24-də qeyd olunan Dünya vərəmlə mübarizə günü Azərbaycanda çoxsaylı tədbirlər keçiriləcəkdir. Bununla əlaqədar, işçi qrup yaradılmış və onun tərkibinə respublika Qızıl Aypara Cəmiyyətinin, Beynəlxalq Qızıl Xaç Komitəsinin Azərbaycandakı nümayəndəliyinin, ölkəmizin mülki bölməsində vərəmlə mübarizəyə dair layihə həyata keçirən Almaniyanın “GOPA” şirkətinin, Yunanıstanın “Medin” şirkətinin, Ağciyər Xəstəlikləri Elmi Tədqiqat İnstitutunun nümayəndələri daxildir.

İşçi qrupun hazırladığı tədbirlər planına uyğun olaraq, həmin gün sənaye müəssisələrində və ali məktəblərdə mütəxəssislər vərəmin proflaktikası və müalicəsinə dair mühazirələr oxuyacaq, Kapellhausda gənc musiqiçilərin iştirakı ilə xeyriyyə konserti olacaqdır. Bukletlər, posterlər və maarifləndirmə məzmunlu digər mətbu məhsul çap olunaraq əhaliyə paylanacaqdır. Bundan əlavə, telekanallarla yayımlamaq üçün videoklip çəkilişləri də planlaşdırılmışdır.

Vərəm xəstələrinin dərmanlarla, vərəm dispanserlərinin isə tibb avadanlığı ilə pulsuz təmin olunmasına dair 2002-ci ildən bəri ölkəmizdə genişmiqyaslı proqram həyata keçirən “GOPA” şirkətindən onu da bildirmişlər ki, yaxın vaxtlarda respublikamıza rentgen aparatları və digər tibb texnikası gətiriləcəkdir.

DÜNYA VƏRƏMLƏ MÜBARİZƏ GÜNÜ ÇOXSAYLI TƏDBİRLƏRLƏ QEYD OLUNACAQ

MÜƏLLİFLƏ ƏLAQƏ

Bölmənin digər xəbərləri