Dünyada ötən sutka ərzində koronavirusa yoluxanların sayı 349 mindən çox artıb
Bakı, 3 fevral, AZƏRTAC
Dünyada koronavirusa yoluxanların sayı son sutka ərzində 349 mindən çox artıb.
AZƏRTAC TASS informasiya agentliyinə istinadən xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir.
Məlumata əsasən, ötən sutka ərzində 349 min 263 nəfər yeni koronavirusa yoluxub, 9 min 423 nəfər isə dünyasını dəyişib. Yoluxanların ümumi sayı 102 milyon 942 min 987, ölənlərin isə 2 milyon 232 min 233 nəfərə çatıb.
Qeyd edək ki, ÜST-nin hesabatı yalnız rəsmi göstəricilər əsasında hazırlanır.
Bölmənin digər xəbərləri
