Əfsanənin qiyməti: Parisdə 1957-ci ilin “Ferrari” avtomobili satışa çıxarılıb VİDEO
Bakı, 5 fevral, AZƏRTAC
Parisdə keçirilən auksionda 1957-ci ilin nadir “Ferrari 335 Sport Scaglietti” yarış avtomobili satışa çıxarılıb. Ekspertlər onu 32 milyon avro dəyərində qiymətləndirirlər.
AZƏRTAC Rusiyanın NTV telekanalına istinadla xəbər verir ki, dünyada cəmi 4 ədəd belə avtomobil mövcuddur. Lakin hərraca çıxarılan avtomobilin, eyni zamanda, şərəfli tarixi var.
1957-ci ildə Havanada keçirilən Qran-pri yarışlarında bu avtomobili məşhur britaniyalı pilot Stirlinq Moss idarə edib. Bundan sonra onun sükanı arxasında “Formula-1”in digər məşhur pilotları əyləşib. Hazırda əfsanəvi avtomobilin sahibi ən böyük “Ferrari” kolleksiyasına malik fransız Pyer Bardinondur. Bu markadan olan ən bahalı avtomobil iki il bundan əvvəl 28,5 milyon avroya satılmışdı.
Bölmənin digər xəbərləri
