EKOLOQLAR ƏTRAF MÜHİTİN ÇİRKLƏNMƏSİ FAKTLARINI AŞKAR ETMİŞLƏR
Nazirliyin mətbuat xidmətindən AZƏRTAC-ın müxbirinə bildirmişlər ki, təmizləyici qurğulardan götürülən su nümunələrində insan sağlamlığı və təbiət üçün zərərli maddələrin səviyyəsinin artıq olduğu aşkar edilmişdir. “Neft daşları” NQÇİ-nin balansında olan biotəmizləyici qurğu 1992-ci ildə baş vermiş qasırğa nəticəsində suya qərq olduğundan yaşayış massivlərinin məişət və nəcis tullantıları təmizlənmədən və zərərsizləşdirilmədən dənizə tökülür. Çay sularının təmizlənməsi üçün nəzərdə tutulmuş mexaniki təmizləmə qurğuları da yararsız vəziyyətdədir. “28 May” NQÇİ-nin balansında olan Çilov adasının istehsal sahəsində və Günəşli yatağında da eyni vəziyyət müşahidə olunur. Bəzi NQÇİ-lərdə təmizləmə işləri bəsit durultma üsulu ilə həyata keçirilir.
Bölmənin digər xəbərləri
