ƏLİ BARDAQOĞLU: ROMA PAPASI TÜRKİYƏYƏ ARXAYIN GƏLƏ BİLƏR
O demişdir: “Papa bildirmişdir ki, İslama və müsəlmanlara böyük rəğbəti var. Lakin pontifikin səhvinin unudulması üçün vaxt tələb olunur”.
Bardaqoğlunun sözlərinə görə, Türkiyə pontifikin noyabrın sonlarına nəzərdə tutulmuş səfərini ləğv etmək niyyətində deyildir və Papanın ölkəyə gəlişi ilə əlaqədar bütün təhlükəsizlik tədbirlərini görəcəkdir.
O demişdir: “Türkiyə dünyəvi və demokratik dövlətdir, burada müsəlmanlar, xristianlar və yəhudilər əsrlər boyu dinc yanaşı yaşamışlar. Biz əvvəllər də çoxlu din xadimini qəbul etmişik. Bizim qonaqpərvərliyimiz və ənənələrimiz narahatlıq üçün əsas vermir”.
Dini idarənin başçısı vurğulamışdır ki, terrorçu Mehmet Əli Ağcanın Roma Papasını Türkiyəyə səfəri zamanı təhlükə gözləməsi barədə dedikləri nəzərə alınmamalıdır. Bardaqoğlu demişdir: “Ümumiləşdirmələr etmək lazım deyildir. Avropada fanatiklər məscidlərə basqınlar edirlər. Biz ki, avropalıları təqsirləndirmirik”.
Bölmənin digər xəbərləri
