ƏLİ KƏRİMLİNİN ÇAĞIRIŞI BAKIDA TOQQUŞMALARA SƏBƏB OLMUŞDUR
Müəllif yazır ki, Xalq Cəbhəsinin lideri Əli Kərimlinin polislə toqquşmaya təhrik edən emosional çılğınlığı müxalifətin seçkilərdən sonrakı mitinqini polislə əlbəyaxa qarşıdurmaya çevirmişdir. Əli Kərimlinin ritorikası Müsavat Partiyasının lideri İsa Qəmbərin mitinq iştirakçılarını ehtiyatlı tərpənməyə, qanuna hörmət taktikasına əməl etməyə və polisə güc tətbiq etmək üçün imkan verməməyə çağıran nitqindən kəskin fərqlənirdi.
Axşam saat 5-də Qələbə meydanında icazəli mitinqin başa çatmasına az qalmış Əli Kərimli mitinqçiləri qəflətən oturaq etiraz aksiyası keçirməyə, qorxmamağa və meydanda çadırlar qurmağa çağırmışdır.
V.Sokor yazır ki, mitinqə ayrılan vaxtın başa çatdıqdan və müvafiq xəbərdarlıqdan sonra polis güc tətbiq etməklə meydanı təmizləmişdir. Belə cavab üç səbəbə görə gözlənilirdi: kütlənin nəzarətdə saxlanılması üçün polisin müasir vərdişləri yoxdur; rəngli inqilab və kütlə ilə toqquşmalar taktikası ilə qarşılaşan hakimiyyət orqanları meydanların istənilən halda ələ keçirilməsinin və çadırlar qurulmasının qarşısını almaq niyyətindədir; müxalifət liderləri oturaq etiraz aksiyaları keçirilməyəcəyi və çadırlar qurulmayacağı ilə bağlı vədlərini pozmuşlar.
Müəllifin fikrincə, Azərbaycan müxalifəti liderlərinin taktiki qərarı, hətta müxalifətin bütün qüvvələrinin iqtidara qarşı mübarizə apardığı nəzərə alınsa belə, onların daxilindəki ziddiyyətləri əks etdirir. Bu halda, Parçalanma noyabrın 26-dakı mitinqdən əvvəlki həftə ərzində özünü göstərmişdir. İsa Qəmbər və başqaları oturaq etiraz aksiyasına və çadırların qurulmasına qarşı çıxaraq, hakimiyyətlə dialoqa çağırmışlar.
V.Sokor daha sonra yazır ki, müxalifətin ümumilikdə daxili hərəkətverici qüvvə olmaq və beynəlxalq diqqəti cəlb etmək anını əldən buraxdığını anladığı bir vaxtda, onun daha radikal dairələri Qəmbərin nəticələrindən fərqli nəticələrə gəlmişlər. Oturaq aksiyalar keçirmək və çadırlar qurmaq yolu ilə kütlələrin etimadını qaytarmaq üçün qəti tədbirlər görülməsini zəruri sayan AXCP Kərimliyə xüsusi diqqət yetirir (o, narıncıların gənc tərəfdarlarına, çadır şəhərciklərinin potensial iştirakçılarına nəzarət edir). Mitinqlərdən bir həftə əvvəl müxalifət dairələrində, habelə müşahidəçilər arasında aparılan bu müzakirələri çox böyük sirr adlandırmaq olar. Qarşıdurmadan sonra keçirilmiş mətbuat konfransında Kərimli bu hadisədən barışmaz müxalifətin dəstəklənməsi üçün istifadə etmişdir. Qəmbər isə mətbuat konfransında iştirakdan imtina etməmiş, jurnalistlərə demişdir: “Hər kəs mənim nitqimi və başqalarının nitqlərini eşitmişdir və özü nəticələr çıxarmalıdır”.
ABŞ səfirliyi öz bəyanatında yığıncaq azadlığı olan insanlara qarşı lüzumsuz qüvvə tətbiq edilməsindən təəssüfləndiyini bildirmişdir. Böyük Britaniya səfirliyi isə daha tarazlı bəyanat vermişdir. Səfirlik partiyaların hamısını maksimum təmkinli olmağa çağıraraq bildirmişdir ki, müxalifət yığıncaq azadlığını qanun çərçivəsində tətbiq etməli, hökumət isə bunun üçün hər cür şərait yaratmalıdır.
Qərb dövlətlərinin Azərbaycandakı diplomatik nümayəndəlikləri yerli müxalifəti ölkə qanunlarına riayət etməyə və seçkilərin nəticələrinə tam şəkildə yenidən baxılmayınca, qarşıdurmadan çəkinməyə çağırmışdır. Bu məsləhətlər, şübhəsiz ki, daha ucadan səslənməlidir, yalnız bu halda onlara diqqət yetiriləcəkdir.
Bölmənin digər xəbərləri
