Emin Mahmudov: Latviya ilə oyunda qalib gəlmək istəyirik
Bakı, 6 iyun, AZƏRTAC
Latviya ilə oyunda qalib gəlmək istəyirik.
AZƏRTAC xəbər verir ki, bu sözləri Azərbaycan millisinin futbolçusu Emin Mahmudov Latviya ilə keçirəcəkləri yoldaşlıq oyunundan öncə təşkil olunmuş mətbuat konfransında deyib.
O, rəqibin yaxşı komanda olduğunu vurğulayıb: "Latviyaya qalib gəlmək üçün gücümüz var. Bu matçda şəxsi uğur barədə düşünmək yox, komanda şəklində qələbə qazanmaq üçün meydana çıxacağam. Millimizə xeyir vermək üçün çalışacağam".
Qeyd edək ki, iyunun 7-də keçiriləcək Latviya - Azərbaycan görüşü Bakı vaxtı ilə saat 17:00-da başlayacaq.
Bölmənin digər xəbərləri
