Əmircan qəsəbə sakinindən bir kiloqramdan artıq heroin götürülüb
Bakı, 29 mart, AZƏRTAC
Narkotiklərin qanunsuz dövriyyəsində şübhəli bilinən S.Dadaşov Suraxanı Rayon Polis İdarəsinin 31-ci polis bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılıb.
Daxili İşlər Nazirliyinin mətbuat xidmətindən AZƏRTAC-a bildirilib ki, axtarış zamanı ondan metamfetamin və tramadol həbi aşkar edilib. Davam etdirilən tədbirlərlə onun Əmircan qəsəbəsindəki evinə baxış zamanı 1 kiloqramdan artıq heroin götürülüb.
Faktla bağlı araşdırmalar aparılır.
Bölmənin digər xəbərləri
