ƏN YAXŞI FUTBOL HAKİMLƏRİ MÜƏYYƏNLƏŞDİRİLDİ
Tədbirdə hakimlərin çempionat dövründə idarə etdikləri oyunların səviyyəsi, yol verilmiş pozuntular müzakirə olunmuş və hakim-inspektorların verdiyi qiymət əsasında illik reytinq cədvəli müəyyənləşdirilmişdir.
Ən yaxşı hakim adına FİFA referisi Vüsal Əliyev layiq görülmüşdür. FİFA referisi Babək Quliyev ikinci, beynəlxalq dərəcəli hakim İmamxan Sultani üçüncü yeri tutmuşlar.
Köməkçi hakimlər arasında isə milli dərəcəli hakim Azər Əsgərov birinci, FİFA referi köməkçiləri Aydın Ələkbərov ikinci, Azad Hüseynov üçüncü olmuşlar.
Hakimlərə AFFA-nın təsis etdiyi xüsusi mükafatlar təqdim olunacaq.
Tədbirdə növbəti ölkə çempionatı ərəfəsində hakimlər üçün təlim-məşq toplantısının keçirilməsi məsələsi də müzakirə edilmişdir. Təlimdə 40-a yaxın hakimin iştirakı gözlənilir.
Bölmənin digər xəbərləri
