Ər-Riyadda II Beynəlxalq Humanitar Forumu keçirilir
Qahirə, 2 mart, AZƏRTAC
Səudiyyə Ərəbistanının Kralı Salman bin Əbdüləziz Əl Səudun himayəsi ilə Ər-Riyadda II Beynəlxalq Humanitar Forumu keçirilir.
AZƏRTAC xəbər verir ki, tədbirdə BMT Baş katibinin humanitar məsələlər üzrə müavini Mark Loukok, Dünya Səhiyyə Təşkilatının baş direktoru Tedros Adhanom Gebreyeysus, İslam İnkişaf Bankının prezidenti Bəndər Həmzə Hajar, BMT-nin Ərzaq Proqramının icraçı direktoru Devid Besli, UNICEF-in direktoru Henrietta For və digər nümayəndələr iştirak edirlər.
Forumun ilk panel iclası - elmi sessiyada çıxış edən alimlər və ekspertlər bir sıra məsələlər, o cümlədən silahlı münaqişə zonalarında humanitar vəziyyət, tolerantlıq, dini zəmində nifrətin qarşısının alınması, İslam aləmi və digər dinlərin mənsubu olan ictimai-siyasi xadimlər, habelə ilahiyyatçılar arasında əlaqələrin möhkəmləndirilməsini müzakirə ediblər. Eyni zamanda, dünyada yayılan təhlükəli koronavirus xəstəliyinə qarşı birgə mübarizə tədbirləri də diqqət mərkəzində olub.
Martın 1-də öz işinə başlayan forum bu gün başa çatacaq.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
