ƏRBİLDƏ PARTLAYIŞ NƏTİCƏSİNDƏ ÇOXLU ADAM HƏLAK OLMUŞDUR
AZƏRTAC xəbər verir ki, fevralın 1-də İraqın şimalındakı Ərbil şəhərində Kürdüstan Demokratik Partiyasının (KDP) və İraq Kürdüstan Vətənsevərlər Birliyinin binalarında partlayışlar baş vermişdir. Üstlərində partlayıcı maddələr olan şəxslər partiyaların binalarına gələrək özlərini partlatmışlar. 100-dən çox vətəndaşın həlak olduğu partlayışların kimlər tərəfindən hazırlandığı bilinmir.
Fevralın 1-də Kərbəla şəhərində - Polşa əsgərlərinin nəzarəti altındakı sahədə yerləşən silah anbarında güclü partlayış baş vermişdir. Polşanın İraqdakı sülhməramlı qüvvələrinin nümayəndəsi, polkovnik Robert Strzeleski partlayış nəticəsində 6 iraqlı vətəndaşın həlak olduğunu bildirmişdir. Hazırda Polşanın İraqda 2400 əsgəri vardır.
Bölmənin digər xəbərləri
