Ermənistan Azərbaycan tərəfindən darmadağın olunduğunu etiraf etməyə xəcalət çəkir
Bakı, 5 noyabr, AZƏRTAC
Son bir neçə həftə üzrə Ermənistan KİV-lərini nəzərdən keçirəndə istər-istəməz bu nəticəyə gəlmək olar ki, bu ölkənin rəsmi dairələri və bütövlükdə, Ermənistan cəmiyyəti hərbi baxımdan tamamilə darmadağın olunmasını etiraf etməyə hazırdır. Amma Azərbaycan Ordusu tərəfindən yox! Mifik “Suriya-Uyqur-Talib-Liviya terrorçularından” olsun, lap marslılardan olsun, bircə azərbaycanlılardan olmasın. Bütün bunlar aydındır və başadüşüləndir. Axı, son 30 ildə biz ermənilərdən Ermənistan ordusunun “yenilməz” və “rəşadətli”, azərbaycanlıların isə “qorxaq” olması, azərbaycanlılardan ötrü Qarabağın “Vətən yox, ərazi” olması, onların döyüş meydanında canlarından keçməyə hazır olması isə öz əcdadlarının məzarları yanına qayıtmaq arzusu deyil, yalnız “əvvəlki məğlubiyyətə görə qürur duymaq” üsulu olması barədə nağıllar eşitmişik.
Ermənistan cəmiyyətində yaranmış şok və mövcud vəziyyətə “həzm edilə biləcək” bir izah tapmaq arzusu tamamilə aydındır. Bu cəmiyyətin belə gülünc tezisləri “həzm etməyə” hazır olması da aydın və gözləniləndir.
Amma Ermənistanda başa düşmürlər ki, onlar özlərinin hərbi məğlubiyyətini belə cəfəng şəkildə izah etməklə özlərini daha da alçaldır. Ermənistan cəmiyyətinə nələr təbliğ edilməsinin bizim üçün o qədər də fərqi yoxdur, amma özünüz fikirləşin: belə çıxır ki, guya Ermənistan əla məşq keçmiş və ultramüasir, yüksək dəqiqlikli texnologiya ilə təchiz olunmuş Azərbaycan Ordusunu (özü də bütün bu illər ərzində Ermənistanın bizi hədələdiyi kimi “müharibənin ikinci günündə”) təkbaşına darmadağın edə bilərdi, amma işin tərsliyindən birdən-birə haradansa peyda olmuş “barmaleylər” “məğlubedilməz, rəşadətli, intizamlı və regionda ən yüksək döyüş qabiliyyətinə malik olan” erməni ordusunu qorxuya saldı. Bəşər Əsəd ordusunu görəndə öz “pikap”larını atıb qaçan həmin “barmaleylər” sizin “rəşadətli ordunuzu” demək olar tamamilə darmadağın etdi? Maraqlıdır ki, bütün bu müddətdə həmin “barmaleylər”i nə görən olub, nə də ələ keçirən? Təkcə “Armenfilm” studiyasında çəkilmiş quraşdırılmış feyk-səhnələrdən başqa...
Aram Qabrielyan, Vladimir Solovyov, Semyon Baqdasarov və bu qəbildən olan başqalarının rəhbərlik etdiyi Ermənistan ideoloji cəbhəsinin hörmətə layiq olmayan “döyüşçüləri”! Görəsən, öz tezislərinizlə özünüzü nə dərəcədə alçaltdığınızı başa düşürsünüzmü! Həmin “barmaleylər”i necə gözəl reklam etdiyinizi anlayırsınızmı! Bir tərəfdən də gözləyirsiniz ki, sizin belə nağıllarınızdan sonra Pentaqon bu “igid Remboları” öz ordusuna götürməyə tələsməlidir!
Mən hələ onu demirəm ki, Qarabağ müharibəsi zonasına suriyalı İŞİD-çilər gəliblərsə, onların yalnız bir məqsədi olub - Ermənistan tərəfində Azərbaycana qarşı vuruşmaq, çünki azərbaycanlıların əksəriyyətini təşkil edən şiələr həmin işidçilər üçün xaçpərəstlərdən də betər düşmənlərdir. Onların Suriyada və İraqda ələ keçirdikləri şiələrlə necə rəftar etdikləri yadınızdadırmı? Bu insanların yalnız şiə məzhəbinə mənsub olduqlarına görə edam edilməsi səhnələrini sizə xatırlatmağa ehtiyac varmı? Siz bu ucuz təbliğatı kimdən ötrü nəzərdə tutursunuz?
Sizin üçün nə qədər acı olsa da deməliyəm ki, bu həqiqət Tarixə və hərb sənəti dərsliklərinə daxil olacaq: Ermənistan və Azərbaycan orduları ilk dəfə olaraq döyüş meydanında qarşılaşdılar. Təkbətək! Üzbəüz!
Ermənistan və Azərbaycan ilk dəfə olaraq kənardan müdaxilə edilmədən “rinqdə” qarşılaşdılar. Biz həmişə məhz bunu istəyirdik, siz isə etiraf etməsəniz də bundan qorxurdunuz.
İndi adət edin! Bu döyüşdə heç bir suriyalı və liviyalı olmayıb və yoxdur. Hətta türklər də olmayıb və yoxdur. Sizi tamamilə darmadağın edən məhz azərbaycanlılardır, onlardan başqa heç kəs yoxdur. Hərçənd, siz özünüz Cenevrə konvensiyalarının qaydalarına tam riayət etmirsiniz!
Bu müharibə hamının, o cümlədən sizin özünüzün də gözləmədiyiniz halda BLİTSKRİQ oldu, biz bunu planlaşdırmırdıq, amma siz özünüz bizi buna sövq etdiniz. Nəticəsi sizin üçün daha xəcalətli oldu.
Pərvanə Qarayeva
AZƏRTAC-ın müxbiri
Bölmənin digər xəbərləri
