Ermənistanda koronavirusa yoluxanların sayı kəskin artıb
Tbilisi, 26 may, AZƏRTAC
Ermənistanda son 24 saat ərzində koronavirusa yoluxanların və bu virusdan ölənlərin sayı kəskin artıb.
Son sutka ərzində bu ölkədə 289 nəfər COVID-19 virusuna yoluxub, 4 nəfər pandemiyadan ölüb.
AZƏRTAC xəbər verir ki, bu barədə Ermənistanın Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi məlumat yayıb.
Bildirilir ki, bununla da, Ermənistanda COVID-19 virusuna yoluxanların sayı 7402 nəfərə, pandemiyadan ölənlərin sayı isə 91-ə yüksəlib.
Qeyd olunub ki, hazırda Ermənistanda 4052 nəfər aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
