Esmeralda Van de Ridder: WUF13 aktual məsələləri müzakirə etmək üçün mühüm platformadır
Bakı, 21 may, AZƏRTAC
Bakıda keçirilən Ümumdünya Şəhərsalma Forumunun 13-cü Sessiyasında (WUF13) iştirak etməkdən böyük məmnunluq duyuram. Bura eyni vizyonu bölüşən beynəlxalq tərəfdaşlarla əlaqələr qurmaq, qlobal mənzil təminatı və su ehtiyatlarının bu proseslə inteqrasiyası kimi ən aktual məsələləri müzakirə etmək üçün mükəmməl platformadır. Sessiyanın ilk günlərində şahidi olduğumuz yağıntılı hava şəraiti də bir daha rəmzi olaraq sübut etdi ki, su həyatımızın hər bir sahəsindədir.
Bu fikirləri AZƏRTAC-a müsahibəsində BMT-nin Ümumdünya Şəhərsalma Forumunun 13-cü Sessiyasında (WUF13) iştirak edən Niderland təmsilçisi, "Water as Leverage" qlobal proqramında fəaliyyət göstərən Esmeralda Van de Ridder söyləyib.
O, həmçinin Bakıda aparılan bu qlobal müzakirələrin şəhərlərin gələcək ekoloji təhlükəsizliyinə böyük töhfə verəcəyinə ümidvarlığını bildirib.
Bölmənin digər xəbərləri
