Bakı, 6 iyun, AZƏRTAC

Cari ildə müəllimlərin sertifikatlaşdırılması prosesi üçün 34 minə yaxın müəllimin məlumatları sistemə daxil edilib.

AZƏRTAC xəbər verir ki, bunu Elm və Təhsil Nazirliyinin İnsan resursları şöbəsinin müdiri Eşqi Bağırov müəllimlərin sertifikatlaşdırılması, onların işə qəbulu üzrə müsabiqə ilə bağlı media nümayəndələri ilə keçirilən görüşdə deyib.

Onun sözlərinə görə, sertifikatlaşdırma prosesinin test imtahanı mərhələsi iyunun 20-dən 24-dək keçiriləcək. Bildirib ki, avqust ayının sonunda müsahibə mərhələsinin keçirilməsi nəzərdə tutulub.