ETSN-in əməkdaşları şikayətləri araşdırmışlar
Bakı, 8 aprel (AZƏRTAC). Ekologiya və Təbii Sərvətlər Nazirliyinin (ETSN) “Qaynar xətt”inə (439-18-63, 438-13-35) qanun pozuntuları ilə əlaqədar hər gün müraciətlər daxil olur.
Nazirliyin mətbuat xidmətindən AZƏRTAC-a bildirmişlər ki, bu ilin fevral və mart aylarında 164 müraciət qəbul edilmiş və araşdırılmışdır. Ağacların kəsilməsi ilə bağlı 9 şikayət üzrə fakt təsdiqlənmiş və qanunamüvafiq tədbirlər görülmüş, 12 müraciət isə öz təsdiqini tapmamışdır. Ağacların aşma təhlükəsinin qarşısını almaq məqsədilə 131 baxış keçirilmiş, rəy və təkliflər verilmişdir.
11 müraciət isə məişət tullantıları, atmosfer havasının çirklənməsi və səs-küylə bağlı olmuşdur.
Bölmənin digər xəbərləri
