“F91 Düdelanj”-“Qarabağ” oyununu şotlandiyalı hakimlər briqadası idarə edəcək
Bakı, 19 iyul, AZƏRTAC
Ağdamın “Qarabağ” futbol klubunun UEFA Çempionlar Liqasının II təsnifat mərhələsində Lüksemburqun “F91 Düdelanj” komandası ilə keçirəcəyi cavab qarşılaşmasının hakimləri məlum olub.
AZƏRTAC xəbər verir ki, Lüksemburqun “Jos Nosbaum” stadionunda üz-üzə gələcək rəqiblərin cavab görüşündə şotlandiyalı Kevin Klansi fit çalacaq. Ona həmyerliləri Stevenson Styuart və Karr Sin kömək edəcəklər. Oyunun dördüncü hakimi Robertson Donald olacaq.
Hakimlərin işinə rumıniyalı Aleksandru Dyakon qiymət verəcək. Görüşün UEFA nümayəndəsi isə irlandiyalı Nyuton İmon olacaq.
Qeyd edək ki, “F91 Düdelanj”-“Qarabağ” matçı iyulun 20-də, Bakı vaxtı ilə saat 20:00-da start götürəcək.
Bölmənin digər xəbərləri
