Faktiki hava: Xəzər dənizində dalğanın hündürlüyü 3.6 metrdir
Bakı, 22 yanvar, AZƏRTAC
Yanvarın 22-si saat 13:00-a olan məlumata əsasən, şimal-qərb küləyi Bakıda və Abşeron yarımadasında saniyədə 28, Naftalanda 20 metrədək güclənib. Neft Daşları hidrometeoroloji stansiyasının məlumatına əsasən, Xəzər dənizində dalğanın hündürlüyü 3.6 metrdir.
Xidmətdən AZƏRTAC-a verilən məlumata əsasən, Daşkəsən, Göygöl, Şəki, Şahdağ, Qax, Astaranın dağlıq ərazilərində qar, Naftalan, Gəncə, Şəmkir, Ceyrançöl, Tovuz, Ağdam, Balakən, Oğuz, Qəbələ, Zaqatala, İsmayıllı, Quba, Tərtər, Mingəçevir, Yevlax, Bərdə, Göyçay, Yardımlı, Lerik, Lənkəran, Astarada yağış yağıb.
Havanın temperaturu Bakıda və Abşeron yarımadasında 4°, Naxçıvan Muxtar Respublikasında 7°, Aran rayonlarında 6°-dək isti, dağlıq rayonlarda 2-4° şaxta, yüksək dağlıq ərazilərdə isə 8°-dək şaxta olub.
Bölmənin digər xəbərləri
