Fərid Hüseyn: “Türk Dünyası Həftəsi” türk xalqları arasında həmrəyliyin möhkəmlənməsinə xidmət etdi
Bakı, 6 iyul, AZƏRTAC
Prezident İlham Əliyevin Birinci Türkoloji Qurultayın 100 illik yubileyinin qeyd edilməsi ilə bağlı imzaladığı tarixi Sərəncam türk dünyasının ortaq elmi, ədəbi və mədəni irsinin yenidən dəyərləndirilməsi, türk xalqları arasında həmrəyliyin möhkəmləndirilməsi və ortaq yaddaşın gələcək nəsillərə ötürülməsi baxımından mühüm əhəmiyyət daşıyır. Bu Sərəncam türk dünyasının siyasi, tarixi, ədəbi və kulturoloji həyatında yeni və unudulmaz bir mərhələnin əsasını qoydu.
Bu fikirləri AZƏRTAC-a açıqlamasında Azərbaycan Yazıçılar Birliyinin Gənclər Şurasının sədri Fərid Hüseyn deyib.
O bildirib ki, “Türk Dünyası Həftəsi” çərçivəsində keçirilən beynəlxalq konfranslar, elmi müzakirələr, panel sessiyaları və mədəni tədbirlər təkcə Birinci Türkoloji Qurultayın zəngin irsini yenidən gündəmə gətirmədi, həm də türk xalqları arasında elmi, mədəni və mənəvi əlaqələrin daha da güclənməsinə xidmət etdi.
Onun sözlərinə görə, bu silsilə tədbirlərin nəticəsi olaraq ərsəyə gələcək elmi nəşrlər, videoxronikalar, konfrans materialları, eləcə də açıq elmi müzakirələrin yekunları türk dünyasının ortaq elmi düşüncəsinin formalaşmasına, gələcək tədqiqatların istiqamətləndirilməsinə və Türk Dünyasının Birliyinin daha da sarsılmaz təməllər üzərində inkişafına geniş imkanlar yaradacaq.
Bölmənin digər xəbərləri
