Fərid Qayıbov: Ölkəmizdə idmanın inkişafı üçün dövlət tərəfindən hər cür şərait yaradılıb
Bakı, 7 mart, AZƏRTAC
Ölkəmizdə idmanın inkişafı üçün dövlət tərəfindən hər cür şərait yaradılıb. Dövlətimizin başçısı İlham Əliyev ölkədə bütün idman növləri, xüsusilə də futbol ilə yaxından maraqlanır.
AZƏRTAC xəbər verir ki, bunu AFFA-nın hesabat konfransında çıxış edən gənclər və idman naziri Fərid Qayıbov deyib.
Ölkəmizdə güclü idman infrastrukturunun yaradıldığını diqqətə çatdıran nazir qeyd edib ki, futbol çox populyar idman növüdür. Nazirliyin təşkilatçılığı ilə Ulu Öndər Heydər Əliyevin 100 illiyi ilə bağlı dövlət qurumları arasında minifutbol yarışı təşkil olunub. Yarışın qrup mərhələsinə artıq yekun vurulub. “Etiraf etməliyəm ki, yarışa maraq çox böyükdür. Komandalar baxımlı oyun nümayiş etdirir və yarış gərgin idman mübarizəsi şəraitində davam edir”, -deyə nazir vurğulayıb.
Bölmənin digər xəbərləri
