Fərid Qayıbov: “Üzgüçülük hamı üçün” layihəsində iştirakçı sayının hər il artması sevindirici haldır
Bakı, 4 iyun, AZƏRTAC
“Üzgüçülük hamı üçün” layihəsi kütləvi idman tədbirlərindən biridir. Artıq ənənə halını alıb.
AZƏRTAC xəbər verir ki, bu sözləri gənclər və idman naziri Fərid Qayıbov jurnalistlərə açıqlamasında deyib.
O, yarışda iştirakçı sayının hər il artdığını bildirib: “Bu, çox sevindirici haldır. Həmçinin də ölkəmizdə hovuzların sayında da artım var. Bu da Azərbaycan Üzgüçülük Federasiyası ilə düzgün yolda olduğumuzu göstərir. Bizim üzgüçülüyə aid müxtəlif tədbirlərimiz var. Bunlardan biri də su idmanı növlərinin təbliği, daha geniş yayılması və inkişaf etdirilməsi məqsədilə təşkil edilən “Kürü keçək?" adlı yarışdır. Müxtəlif rayon məktəblərində dörd həftə ərzində şagirdlər arasında üzgüçülük yarışı da keçiririk".
Qeyd edək ki, yarışa iyunun 5-də yekun vurulacaq.
Bölmənin digər xəbərləri
