FİFA-NIN KONQRESİ LEGİONERLƏRƏ LİMİTİN TƏTBİQİNİ BƏYƏNMİŞDİR
AZƏRTAC xarici KİV-lərə istinadla xəbər verir ki, FİFA-nın konqresi klublarda legionerlər üçün “6+5” sxemi üzrə mütləq limitin tətbiqi haqqında qurumun prezidenti Zep Blatterin təklifini bəyənmişdir. Sidneydə keçirilən tədbirdə 155 milli federasiya limitin tətbiqinə səs vermiş, 5 işçirakçı əleyhinə çıxmış, 40-ı bitərəf qalmışdır.
Blatter bildirmişdir ki, yeni qayda klubların və yığmaların milli özüməməxsusluğunun saxlanılmasının təminatçısı olmalı, milli çempionatlarda rəqabəti gücləndirməlidir. 2012-ci ildən tətbiq ediləcəyi nəzərdə tutulan yeni qaydaya əsasən meydana ölkənin milli yığmasında oynamaq hüququ olan azı altı oyunçu və maksimum beş legioner çıxa biləcəkdir.
Bölmənin digər xəbərləri
