Finies Kristan Tyee Eugene: Boneyr xalqı öz torpağında əvəzlənmək qorxusu yaşayır
Bakı, 19 may, AZƏRTAC
Müstəmləkəçilik siyasətinin nəticələri bu gün də Boneyr adasında demoqrafik dəyişikliklər, mənzil böhranı və yerli əhalinin sosial sıxışdırılması formasında davam edir.
AZƏRTAC xəbər verir ki, bu fikirləri Boneyr İnsan Hüquqları Təşkilatının gənc nümayəndəsi Finies Kristan Tyee Eugene Ümumdünya Şəhərsalma Forumunun 13-cü Sessiyası (WUF13) çərçivəsində Bakı Təşəbbüs Qrupu (BTQ) tərəfindən “Müstəmləkə idarəçiliyinin yaratdığı ədalətsizliklər və mənzil böhranı” mövzusuna həsr olunmuş tədbirdə çıxışı zamanı səsləndirib.
O bildirib ki, Boneyr xalqı öz ölkəsində azlığa çevrilmək təhlükəsi ilə qarşı-qarşıyadır.
“İnsan üçün ev yalnız yaşayış yeri deyil, həm də mədəniyyətinin, dilinin və kimliyinin qorunduğu məkandır. Lakin bu gün Boneyr xalqı öz torpağında əvəzlənmək qorxusu yaşayır”, – deyə Finies Kristan Tyee Eugene vurğulayıb.
Fotoqraf - İlkin Cavanşirov
Bölmənin digər xəbərləri
