Finlandiya Rusiya ilə sərhəddəki iki keçid məntəqəsini tam bağlayıb
Bakı, 24 oktyabr, AZƏRTAC
Finlandiya Rusiya ilə sərhəddəki iki müvəqqəti keçid məntəqəsini tamamilə bağlayıb.
AZƏRTAC xəbər verir ki, bu barədə Finlandiyanın sərhəd xidməti məlumat yayıb. Söhbət “Parikkala” və “İnari” nəzarət-buraxılış məntəqələrindən gedir.
“Belə müvəqqəti keçid məntəqələrinin açılması və bağlanması barədə qərar Finlandiya və Rusiya sərhəd xidmətlərinin rəisləri tərəfindən qəbul olunur”, - deyə mətbuat üçün açıqlamada bildirilir.
Finlandiya sərhəd keçidlərində məhdudiyyətlər tətbiq etməyə 2023-cü ilin noyabrında - üçüncü ölkələrdən qaçqınların nəzarətsiz axını fonunda başlayıb.
Helsinki Moskvanı sığınacaq axtaranları sərhədə yönləndirməkdə ittiham edib. Rusiya XİN-in sözçüsü Mariya Zaxarova isə Avropa İttifaqında yaranmış miqrasiya böhranında Rusiyanın əli olması barədə ittihamları rədd edərək, bunu Qərbin ikili standartları adlandırıb.
Bölmənin digər xəbərləri
