Fövqəladə hallar naziri Şəkidə vətəndaşlarla görüşəcək
Bakı, 28 avqust, AZƏRTAС
Fövqəladə hallar naziri Kəmaləddin Heydərov avqustun 31-də Şəki şəhərində, Şəki Rayon Dövlət Yanğından Mühafizə Hissəsinin inzibati binasında saat 10.00-dan Şəki və Qax rayonları sakinləri ilə görüşəcək.
Bu barədə AZƏRTAC-a Fövqəladə Hallar Nazirliyinin (FHN) mətbuat xidmətindən məlumat verilib.
Görüşə gələn vətəndaşların qeydiyyatı avqustun 30-da Şəki Rayon Dövlət Yanğından Mühafizə Hissəsinin inzibati binasında saat 09:00-da başlayacaq.
Yalnız FHN-in səlahiyyətlərinə aid müraciətlərə baxılacaq görüşdə vətəndaşlar şəxsiyyəti təsdiq edən sənəd təqdim etməlidirlər.
Əlaqə nömrəsi: +994 (12) 512-01-14, e-mail: [email protected].
Bölmənin digər xəbərləri
