FRANSADA DONVURMADAN İKİ HƏRBÇİ HƏLAK OLMUŞDUR
AZƏRTAC-ın xüsusi müxbiri Parisdən xəbər verir ki, Alp-de-Ot-Provens əyalətindəki Barselonet dağında hərbi təlim məşqlərində iştirak edən Fransanın Cen-Sir hərbi məktəbinin 20-23 yaşlı zabit-kursantlarından ikisi donvurma nəticəsində həlak olmuşdur. Gecəni qarın altında qazma kimi istifadə etdikləri sığınacaqda keçirən gənc kursantlar sübh tezdən oyanarkən Fransa ordusunda qulluq edən 2 afrikalı əsgəri donmuş vəziyyətdə tapmışlar. 90 nəfərdən ibarət dəstədə donvurmadan müxtəlif dərəcədə bədən xəsarəti almış daha 7 hərbçi dərhal yaxınlıqdakı xəstəxanaya çatdırılmış və onlara ilkin tibbi yardım göstərilmişdir. İki qadın kursantın vəziyyəti isə ağırdır.
Bölmənin digər xəbərləri
