FRANSADA ON TONDAN ARTIQ NARKOTİK MADDƏ TUTULMUŞDUR

02.07.2004 [11:55]
Çap et
A⁺ A^-

AZƏRTAC-ın müxbiri xəbər verir ki, Fransanın İqtisadiyyat Nazirliyinin yaydığı məlumata görə, Pa-de Kale departamentinin Bulon-sür-Mer şəhərinin gömrük işçiləri və Sen-Maritim departamentindəki Avr hava-dəniz donanmasının nəzarətçiləri on tondan artıq narkotik maddə tutmuşlar.

Geсə vaxtı vertolyotdan dənizi və sahilə yaxın sahələri nəzərdən keçirən nəzarətçilər yelkənli qayıqdan şübhələnərək saxlamış və Bulon-sür-Mer limanında lövbər salmağa məсbur etmişlər. Mərakeşdən Hollandiyaya gedən qayıqda axtarış zamanı 30-40 kiloqramlıq bağlamalarda gizlədilmiş 10147 kiloqram narkotik maddə aşikar olunmuşdur. Bu qədər narkotik qara bazarda 20 milyon avro qiymətləndirilir.

Qayığın bir britaniyalı və iki hollandiyalıdan ibarət şəxsi heyəti həbs edilərək sorğu-sual aparılması üçün Lil şəhər polis idarəsinə gətirilmişdir.