FRANSANIN SABİQ PREZİDENTİ VALERİ JİSKAR D,ESTYENƏ ALMANİYANIN “VESTFALİYA SÜLHMÜKAFATI” TƏQDİM OLUNMUŞDUR
Ali mükafat sabiq prezident Valeri Jiskar d,Estyenə “Avropanın memarı” adı altında Avropa İttifaqına inteqrasiyanın təşkili, daxili və xarici siyasi sabitliyin bərqərar olunduğu Avropa İttifaqının Əsas Qanunu – Konstitusiya layihəsinin yaradılmasında nümunəvi, səmərəli fəaliyyətinə görə verilmişdir.
Fəxri mükafatın təqdimat mərasimində Almaniya hökumətinin rəhbər elitası, Aİ-nin tanınmış siyasətçiləri, bir sıra üzv ölkələrin dövlət və hökumət rəhbərləri iştirak etmişlər.
Təntənəli mərasimdə təbrik nitqi ilə çıxış edən Avropa Şurasının sabiq sədri, Lüksemburqun Baş naziri Jan-Klod Yunker Jiskar d,Estyenin şəxsiyyəti, siyasi fəaliyyəti, Avropa Konstitusiyası Konvensiyasının sədri kimi Konstitusiya layihəsinin yaradılmasında səmərəli yaradıcılığı barədə xoş sözlər söyləmiş, onu “ən böyük avropalı, vahid Avropanın memarı” adlandırmış və vurğulamışdır ki, onun adı Avropanın ən böyük siyasi xadimi kimi yaddaşlardan heç vaxt silinməyəcəkdir.
50.000 avro məbləğində pul təsisatı, medal və şəhadətnamə təntənəli şəkildə Jiskar d,Estyenə təqdim olunmuşdur.
Bölmənin digər xəbərləri
