FRANSIZLAR MƏSCİDLƏRİN QORUNMASINI XAHİŞ EDİRLƏR

12.03.2004 [17:40]
Çap et
A⁺ A^-

AZƏRTAC-ın Müstəqil İslam İnformasiya Agentliyindən aldığı xəbərdə deyilir ki, Fransanın daxili işlər naziri Nikolya Sarkozi ötən cümə günü baş vermiş hadisələrdən sonra ölkədəki məscidlərin qorunmasının təmin olunmasını tələb etmişdir. Xatırladaq ki, martın 5-də Annesi şəhərində Sinod məscidinin ibadət salonu alova bürünmüş, başqa bir məsciddə isə yanğın baş vermişdir.

Fransa Prezidenti Jak Şirak martın 6-da çıxış edərək, bu cinayətləri pisləmiş və ölkənin müsəlman birliyini dəstəklədiyini vurğulamışdır.

“Le Mond” qəzetinin yazdığına görə, ötən il Fransa məscidləri dəfələrlə murdarlanmış, iyulda bir neçə məscidin divarlarına Fransanın milli bayrağının şəkilləri çəkilmişdir.

Fransada 6 milyonadək müsəlman yaşayır, 1500-dək məscid, İslam mərkəzi və ibadət salonu vardır.