Futbol üzrə Argentina millisi öz rekordunu təkrarlayıb
Bakı, 30 mart, AZƏRTAC
Futbol üzrə dünya çempionatının seçmə mərhələsində Ekvador millisi ilə heç-heçə edən (1:1) Argentina yığması öz rekordunu təkrarlayıb.
AZƏRTAC xəbər verir ki, komanda məğlubiyyətsiz oyunlar seriyasını 31-ə çatdırmağı bacarıb.
Argentina yığması bununla tarixinin ən uzunmüddətli məğlubiyyətsizlik seriyası rekordunu təkrarlayıb. Cənubi Amerika təmsilçisi 1991-1993-cü illərdə də eyni seriyanı əldə etmişdi.
Qeyd edək ki, Argentina millisi Cənubi Amerika zonasında ikinci yeri tutaraq dünya çempionatına vəsiqə qazanıb.
Bölmənin digər xəbərləri
