FUTBOL ÜZRƏ AZƏRBAYCAN PREMYER LİQASININ MÜKAFATÇILARINA MEDALLAR TƏQDİM OLUNMUŞDUR
AZƏRTAC xəbər verir ki, iyunun 9-da “Hyatt Regency” mehmanxanasında futbol üzrə Azərbaycan Premyer Liqasının mükafatçılarına - “İnter”, “Olimpik” və “Neftçi” komandalarına medalların təqdimetmə mərasimi keçirilmişdir. Mərasimdə dövlət himni səsləndirildikdən sonra AFFA-nın baş katibi Elxan Məmmədov əlamətdar hadisə münasibətilə komandaları təbrik etmişdir.
AFFA-nın prezidenti Rövnəq Abdullayev isə çempionatın çox maraqlı və gərgin keçdiyini vurğulamışdır. R.Abdullayev Azərbaycan Prezidenti İlham Əliyevin müvafiq Sərəncamına əsasən, ölkəmizdə futbolun inkişafı istiqamətində bir sıra işlərin görüldüyünü, əsas məqsədin yığma komandanı gücləndirmək olduğunu söyləyərək, millimizin Bosniya və Herseqovina, Andorra ilə keçirdiyi son yoldaşlıq oyunlarının komandanın gələcəyinə ümidlə baxmağa imkan verdiyini vurğulamışdır.
Rövnəq Abdullayev komandalara medalları təqdim etmişdir.
Çempionatın ən məhsuldar oyunçusu Xaqani Məmmədov (“İnter”) xüsusi mükafata layiq görülmüşdür.
######
Bölmənin digər xəbərləri
