Gədəbəyin bir sıra kəndlərində elektrik şəbəkəsi yenilənir
Bakı, 31 iyul, AZƏRTAC
Gədəbəyin köhnəlmiş elektrik təsərrüfatı yenilənir.
“Azərişıq” ASC-dən AZƏRTAC-a bildirilib ki, rayonun Arıqıran kəndində 0,4 və 10 kV-luq elektrik şəbəkələri yenidən qurulur.
İşlər yekunlaşdıqdan sonra kənddə ümumilikdə 9 müasir tipli Komplekt Transformator Məntəqəsi (KTM) abonentləri fasiləsiz və dayanıqlı elektrik enerjisi ilə təmin edəcək.
Rayonun Arısu, Xarxar və Zəhmət kəndlərinin elektrik şəbəkəsi tamamilə yenilənib. Yeni 0,4 kV-luq dayaqlar basdırılıb, köhnə elektrik xətlərinin əvəzinə Özünüdaşıyan İzolyasiyalı Naqillər (ÖİN) çəkilib. Sözügedən 3 kənddə ümumilikdə 17 KTM quraşdırılıb.
Növbəti mərhələdə Çanaqçı, İnəkboğan və Kərimli kəndlərində 0,4 və 10 kV-luq elektrik şəbəkələri yenidən qurulacaq.
Bölmənin digər xəbərləri
