GƏLƏCƏK AİLƏ HƏYATI HAQQINDA TOYQABAĞI MÜHAZİRƏLƏR BOŞANMALARIN SAYINI AZALDIR

27.06.2006 [21:45]
Çap et
A⁺ A^-

Boşanmaların səbəbləri müxtəlif ola bilər və heç kimə sirr deyil ki, ər-arvad ailə həyatının, əsasən, başlanğıcında ayrılırlar. AZƏRTAC-ın İTAR-TASS agentliyindən aldığı xəbərə görə, psixoloqlar bu vəziyyətin bir çox səbəblərini tapmışlar, lakin əsas səbəblərdən biri cavanların ailə həyatının gözlənilməz hadisələrinə hazır olmamasıdır. Odur ki, mütəxəssislər ömür-gün yoldaşı olmaq istəyən cavanlara ailə həyatına hazırlıq kurslarına getməyi məsləhət görürlər.

Miçiqan ştatı Universitetinin alimləri 3,3 min nəfər arasında keçirdikləri sorğu nəticəsində müəyyən etmişlər ki, belə mühazirələrdə iştirak boşanmaları 31 faiz azaldır. Kursda nikahdan zövq almaq, mübahisələri necə həll etmək və ər-arvad arasında etibarı möhkəndirmək yolları göstərilir.

Yeri gəlmişkən, alimlərin fikrincə, ər-arvadın gələcək həyatını nikah bağlanması və toy mərasiminin nə gədər uğurlu keçməsi müəyyən edir.

Mühazirələrdə yalnız cavan ər-arvad arasında deyil, həm də qohum olan iki ailə arasında, təzəbəy və gəlinin valideynləri arasında münasibətlərin qurulmasına da diqqət yetirilir. Mütəxəssislərin dediyinə görə, çox vaxt həyat yoldaşının valideynləri ilə münasibətlərin korlanması cavan ailənin dağılmasına gətirib çıxarır.

GƏLƏCƏK AİLƏ HƏYATI HAQQINDA TOYQABAĞI MÜHAZİRƏLƏR BOŞANMALARIN SAYINI AZALDIR

MÜƏLLİFLƏ ƏLAQƏ

Bölmənin digər xəbərləri